Глава (инструмент)

Главата е дел од гитара или некој сличен жичен инструмент. Главната функција на една глава е да ги држи жиците на инструментот. Жиците одат од кобилицата, преку вратот и вообичаено се фиксирани на штимерите на главата. Штимерите се користат за штимање на гитарата со нагодување на затегнатоста на жиците, и последователно, висината на звукот кого го произведуваат.

За други значења на поимот, погл. Глава (појаснување).

Типична глава на електрична гитара

Детали за конструкцијата

Два традиционални распореди на штимерите се наречени „3+3“ (3 горни штимери и 3 долни) и „6 во линија“ штимери, иако постојат многу други комбинации, особено за бас гитари и гитари кои не се шестжичени. Кога не постојат штимери (на пример, штимерите не се потребни или се сместени на друго место, на пример, на телото на гитарата), главата на гитарата може целосно да е изоставена, како во гитарите Steinberger или на некои модели на чапманов стик.

Шематската секција ги покажува и правите и зааглените глави. Забележете го аголот β помеѓу вратот и главата.

Главата може да биде изработена одделно и залепена за вратот користејќи некој тип на зглобови. Постојат два големи трендови во конструкцијата на глави, засновани на тоа колку далеку заминува шицата по минувањето на крајот на вратот. Поволностите и неповолностите на двата тренда се многу дискутабилни и сујбективни, па затоа се користат овие две варијанти:

• Правите глави формираан една рамнина со рамна површина на вратот (и на делот за свирење). Ова ги прави вратот и главата полесни за изработување, бидејќи тие може да бидат изработени од едно парче дрво. Fender вообичаено користи незааглени, прави глави.
• Зааглените глави формираат некој тип на остар агол со површината на вратот. Вредноста на „магичниот агол“ (наречен косина на главата) која ги дава најдобриот тоналитет и стабилност е многу дискутабилна, но вообичаено се наоѓа помеѓу 3° до 25°. На пример, разни производители и специфични модели на гитари користат:
  • Гитари
    • 4°: Guild
    • 11°: Martin ^[1]
    • 12°: Bigsby,^[2] Yamaha SGV^[3]
    • 13°: Peavey ^[4] Warmoth^[5][6]
    • 14°: Gibson Firebird V^[7]

и VII,^[8]Gibson X-plorer,^[9] и некои винтажни гитари,^[10] Washburn,^[11] повеќето буџетски Epiphone реплики на моделите на Гибсон^[12]

• • • 17°: Gibson ES-335 Архивирано на 16 мај 2008 г., Gibson Les Paul , Gibson SG , Epiphone Casino Архивирано на 18 мај 2008 г.
  • Басови
    • 10°: сите Gibson басови
    • 12°: Yamaha SBV Архивирано на 9 март 2003 г.
    • 14°: повеќето Epiphone реплики на Gibson модели
    • 24°: Kinal

Лутиерите од двата стила често како предности ги наведуваат подобриот звук, подолгиот сустејн и подолгото време коешто жиците остануваат наштимани. Кршливата конструкција се наведува како недостаток на секој стил исто така: вратовите од еден дел се поподложни на кршење на случаен удар и се потешки за поправка, додека пак залепените вратови може да се скршат со тек на времето.

Покрај нејзината главна функција, главата е важен декоративен детал на една гитара. Тоа е местото каде што огромното мнозинство од производителите на гитари го цртаат своето лого. Некои гитари без штимери (на пример, оние опремени со Floyd Rose Speedloader) имаат глава чисто поради декоративни причини.