Голанска Висорамнина

Голанска Висорамнина (арапски: هضبة الجولان Haḍbatu 'l-Jawlān или مرتفعات الجولان Murtafaʻātu l-Jawlān, хебрејски: רמת הגולן, Ramat HaGolan (audio)^ⓘ) или едноставно Голан — регион на Блискиот Исток кој зазема околу 1800 км². Регионот е денес под контрола на Израел, како директна последица од Шестдневната војна, а претходно бил под сириска контрола. ООН го смета регионот за „окупиран“ од страна на Израел, и „интегрален дел на Сирија“.

Голанска Висорамнина هضبة الجولان רמת הגולן
Езерото Рам во близина на Хермонската Планија (во позадина), во североистичниот дел на висорамнината
Местоположба на Голанската Висорамнина во рамките на Израел. Висорамнината е во зелена боја во северниот дел.
Статус	Контролирана територија на Израел, а меѓународно се води под сириска управа
Површина
• Вкупна	1.800 км2 (700 ми2)
• Израелска контрола	1.200 км2 (500 ми2)
• мешана контрола: Сирија, сириска опозиција, Тахрир ал-Шам и армијата Халид ибн ал-Валид (вклучувајќи и 235 квадратни километри контролна зона на ООН)	600 км2 (200 ми2)
Најг. вис.	&100000000000028140000002.814 м
Најм. вис.	&09999999999999787999999−212 м

Геолошки, географски и биогеографски регионот ја опфаќа територијата од базалтската висорамнина помеѓу реката Јармук на југ, Галилејското Езеро и долината Хула на запад, Хермонската Планина на север Вади Ракад на исток.

Потекло на поимот

Арапските имиња за висорамнината се Џавлан^[1] и Џолан (арапски: جولان).^[2] Во Библијата Голан е споменат како град за прибежиште кој се наоѓа во Башан.^[3] Авторите од 19 век го толкувале значењето на зборот како „нешто опколено“.^[4][5] Во Мишнах името на регионот е Габлан, а во арамејскиот јазик Гавлана, Гувлана или Гублана.^[1]

Географија

Голан се граничи со северниот округ на Израел, Либан, Јордан и Сирија. Според Израел под негова контрола се 1150 км²,^[6] а сириските извори наведуваат дека Голам има вкупна површина од 1860 км², од кои 1500 се под израелска контрола.^[7] Според ЦИА, Израел контролира 1300 км².^[8]

Регионот е планински и е на висока надморска височина, кој има преглед на јорднската долина, каде се наоѓа Галилејското Езеро и реката Јордан. На север се наоѓа високата планина Хермон.^[9] Просечната надморска височина на Голан е 1000 метри, односно на север е некаде највисока точка со 2814 метри, а кај Галилејското Езеро е под нивото на морето.^[8]

Регионот е значаен извор на свежа вода, особено во повисоките места. Голанската Висорамнина снабдува 15% од потребната вода на Израел.^[10]

Поврзано

• Израел
• Сирија