Големиот брат (Србија)

Големиот брат (на Српски латиница: Veliki brat; Српски кирилица: Велики брат) е реалити шоу, снимано и продуцирано во Белград, Србија. Локална верзија е на шоуто Big Brother, и во него се вклучени најмногу натпреварувачи од Србија, заедно со некои од Босна и Херцеговина, Македонија и Црна Гора.

Veliki brat Големиот брат
Жанр	реалити шоу
Земја на потекло	Србија Македонија  Босна и Херцеговина Црна Гора
Првичен јазик	Српско-хрватски, Македонски
Бр. на сезони	3 Големиот брат 5 ВИП Големиот брат
Производство
Продуцент(и)	Emotion Production
Местоположба	Белград, Србија
Прикажување
Првично прикажување	2006 – 2015
Надворешни врски
Мрежна страница	vbvip4.velikibrat.rs

Продуцирано од Емоушн продукција, првата сезона заврши во есента 2006 и беше прикажувана на телевизијата Б92 во Србија, и на локалните канали на РТВ Пинк во Црна Гора и Босна и Херцеговина (Пинк М и Пинк БХ, соодветно). Специјалната сезона со познатите личности запона на 5 мај 2007 година.

Втората сезона започна на 22 септември 2007 и заврши порано, на 28 декември 2007, поради смртта на трите поранешни станари на куќата.

Во 2009, Големиот брат се префрли на Пинк ТВ во Србија, за сезоната VIP All Stars. Регуларното издание сѐ уште е пренесувано од Б92. На македонските граѓани исто така им беше овозможено да учествуваат и македонската телевизија А1 ги доби правата за пренесување на шоуто на нашата територија.

Формат

Шоуто е во сопственост на Ендемол. Дванаесет или повеќе луѓе живеат во куќа околу 100 дена, така што секоја недела се исфрла по еден станар. Станарите немаат контакт со надворешниот свет, вкучувајќи други луѓе, весници, телевизија, радио или интернет. На станарите им се задавани задачи секоја недела, а плус и некои дневни. За победникот има награда од 100,000€. Правилата се менуваат, на пример некои станари можат да влезат во ќуќата по стартот на шоуто или пак исфрлените повтороно да се вратат.

Логото со окото за првата сезона е копија на окото од Big Brother 2005 (ВБ).

Сезони и победници

Сезона	Година	Држава	Победник
Прва сезона	2006.	Србија,  Црна Гора,  Босна и Херцеговина	Иван Љуба
ВИП прва сезона	2007.		Саша Ќурчиќ „Џани”
Втора сезона	2007.		прекината
ВИП втора сезона	2008.		Мирјана „Мими” Ќуровиќ
ВИП трета сезона	2009.		Мирослав „Мики” Ќуричиќ
Трета сезона	2009.	Македонија	Владимир Арсиќ „Арса”
ВИП четврта сезона	2010.		Милан Мариќ „Шваба”
Четврта сезона	2011.	Хрватска	Маријана Чврљак
ВИП петта сезона	2013.		Жарко Стојановиќ
Петта сезона	2015		Дарко „Спејко” Петковски

• Шоуто завршило порано од предвиденото без победник, поради смртта на три поранешни станари во сообраќајна несреќа. Наградата била поделена меѓу седумтте станари коишто останале во куќата.

Надворешни врски

• Официјајно мрежно место Архивирано на 18 декември 2012 г. (српски)
• Неофицијално мрежно место Архивирано на 23 септември 2007 г. (српски)
• Livestream Архивирано на 18 декември 2009 г. (српски)