Големи мачки

Големите мачки науч. Pantherinae) е потсемејство на семејствата Felidae во која припаѓаат родовите пантери (Panthera), (Uncia) и (Neofelis). Одвојувањето на големите од останатите мачки се смета дека се случило пред 6-10 милиони години^[1]. Скорешните ДНК-анализи укажуваат дека Uncia uncia наречен Снежен леопард е всушност основниот вид на големите мачки и дека треба да биде преименуван во Panthera uncia. Постојат и докази за посебни маркери за митохондриалниот геном.^{[2][мртва врска] [3]} Архивирано на 7 јули 2011 г.

Големи мачки Период: доцен миоцен - денес
Јагуар (Panthera onca)
Научна класификација
Царство:	Животни
Колено:	Хордати
Класа:	Цицачи
Ред:	Ѕверови
Семејство:	Мачки
Потсемејство:	Големи мачки Pocock, 1917
Родови
облачни леопарди (Neofelis) пантери (Panthera) снежни леопарди (Uncia)

Друго истражување засновано на ДНК укажало дека редоследот на одвојувањето на гранките било најпрво Panthera tigris, потоа Panthera onca, Panthera leo и на крај двата сестрински вида Panthera pardus и Panthera uncia^[4]. За да се потврдат овие резултати треба да се направат уште истражувања.

Видови

• Потсемејство големи мачки (Pantherinae)^[5]
  • Род пантери (Panthera)
    • лав (P. leo)
    • јагуар (P. onca)
    • леопард (P. pardus)
    • тигар (P. tigris)
  • Род облачни леопарди (Neofelis)
    • облачен леопард (N. nebulosa)
    • борнејски облачен леопард (N. diardi)
  • Род снежни леопарди Uncia
    • снежен леопард (U. uncia) или (P. Uncia)