Градиште (Шталковица)

Градиште — археолошко наоѓалиште во пробиштипското село Шталковица. Претставува градиште и могили од доцноантичко време.

„Градиште“
Местоположба	41°58′13″N 22°16′41″E
Основни податоци
Место	Шталковица
Општина	Пробиштип
Тип	градиште  могила
Период	доцноантичко време
Портал „Археологија“

Сместено е на атарската тромеѓа со кочанските села Рајчани и Пантелеј, на висок и осамен рид што доминира над околината. Зачувани се темели од утврдување кое оградува простор од 200 × 200 м. Во внатрешноста на градиштето има грамади од камења и многубројни фрагменти од керамички садови, питоси и покривни ќерамиди.^[1]

На северното подножје, во селските ниви се наоѓаат две могили оддалечени една од друга 30 м. Едната могила има димензии од 12 м во основата и 2,5 м височина, а другата 10 м во основата и 1,5 м зачувана височина.

Поврзано

• Список на археолошки наоѓалишта во Пробиштипско