Гренландска фока

Гренландска фока (Pagophilus groenlandicus)

ДОЛЖИНА	1,7-1,9 м
ТЕЖИНА	120-140 кг
ЖИВЕАЛИШТЕ	поларни води
РАСПРОСТРАНЕТОСТ	Северен Атлантски Океан и области околу Арктикот, на исток сè до Сибир

Гренландска фока
Заштитен статус
Незагрозен  (МСЗП 3.1)[1]
Научна класификација
Царство:	Animalia
Колено:	Chordata
Класа:	Mammalia
Ред:	Carnivora
Натсемејство:	Pinnipedia
Семејство:	Phocidae
Род:	Pagophilus
Вид:	P. groenlandicus
Научен назив
Pagophilus groenlandicus Erxleben, 1777

Еден од најраспространетите видови фоки во крајните северни области се раѓа со бело крзно кое на младенчињата им служи за камуфлирање во мразот. Возрасните фоки имаат сребресто-сива боја и се прошарани со темни дамки што со текот на времето стануваат се повидливи. Гренландската фока се храни главно со риби и ракови. Живее на јужниот раб на арктичката ледена покривка, каде и лежи додека се митари. На почетокот на пролетта возрасните женки раѓаат по едно младенче, кое го дојат само 12 денови. Тогаш младенчињата го менуваат своето бело крзно и почнуваат да пливаат. Повеќе децении младенчињата на овие фоки се цел на ловците кои ги ловат поради квалитетното крзно. И покрај кампањите на борците за заштита на животните, ловците и натаму годишно убиваат окоолу 250,000 младенчиња на овие фоки. Природни непријатели на овие фоки се ајкулите, белите мечки и китовите-убијци.^{[2][3][4][5][6]}