Даненберг (Елба)

Даненберг (службено наречен: Даненберг (Елба); германски: Dannenberg) — помал град во округот Лихов-Даненберг, во сојузната покраина Долна Саксонија, Германија. Се наоѓа на реката Елба, околу 30 километри северно од градот Залцведел и 50 километри југоисточно од градот Линебург. Градот се наоѓа на германскиот пат на фахверкот.

За други истоимени места, погледајте Даненберг.

Даненберг (Елба) Dannenberg (Elbe)
Старото Градско собрание Старото Градско собрание
Даненберг (Елба)
Управа
Земја	Германија
Покраина	Долна Саксонија
Округ	Лихов-Даненберг
Општ. заед.	Елбталауе
Градоначалник	Гинтер Фос
Основни податоци
Површина	76,31 км2
Надм. височина	14 м
Население	8.253 (31 декември 2022)[1]
- Густина	108 жит/км2
Други информации
Часовен појас	CET/CEST (UTC+1/+2)
Рег. табл.	DAN
Пошт. бр.	29451
Повик. бр.	05861
Портал	www.dannenberg.de
Местоположба на градот Даненберг (Елба) во рамките на округот Лихов-Даненберг
Карта
Координати	53°05′0″N 11°05′0″E

Градот претставува административно седиште на општинската заедница Елбталауе.

Географија

Поглед на градот со двете знаменитости, црквата „Св. Јован“ и кулата „Валдемар“

Местоположба

Даненберг се наоѓа на реката Јецел близу нејзиниот влив во реката Елба, во средиште на природните области Вендланд и Алтмарк, долината на Елба и Линебуршкото Поле. Околу Даненберг се наоѓа биосферниот резерват на УНЕСКО Долносаксонска Елбталауе. Иако градот (најмалку до општинската реформа од 1972 г.) не се наоѓа директно на реката Елба, го носи додатокот Елба, за да се разликува од другите истоимени места.

Соседни општини

Градот Даненберг се граничи со шест општински единици од општинската заедница Елбталауе. Тоа се општините Дамнац (североисток), Гусборн (исток), Јамелн (југ), Карвиц (запад), Герде и градот Хицакер (обата северозапад). На север од градот, во местото Пенкефиц, Даненберг се граничи со општината Амт Нојхаус од округот Линебург.

Градски единици

Градот Даненберг се состои од 28 единици по спроведената општинска реформа од 1972 година. Дополнително постојат пет имоти.

Брезе во Марш Бикау Дамбек Даненберг Грос Хајде Гимзе Клајн Хајде

Липехефен Лигау Небенштет Ној Трам Ништет Пенкефиц Писелберг

Прабшторф Пределсау, до 16 март 1936 г. познато како Предел[2] Присер Рикау Рискау Шафхаузен Шмарзау

Зедорф Зајбрух Зофен Шплитау Штрец Трам Трипкау

Имоти

Населба Брезе

Ној Лебин

Пермкехоф

Хоф Рикау II

Штрахауер Рад

Историја

Историјата на градот започнала со изградбата на замокот (првпат споменат во 1153 година) во текот на владеењето на Волрад I, гроф на Даненберг (1153–1169), кој имал за задача да ја насели и обезбеди територијата од страна на војводата Хајнрих Лавот.

Полапските имиња на Даненберг се Вајдарс (Weidars) и Војкам (Woikam).

Политика

Плоштадот Кумаркт со поглед кон поранешната зграда на противпожарната бригада

Улицата Ланге Штрасе во градот

Градот Даненберг припаѓа на покраинскиот круг бр. 48 Елба и во сојузниот круг бр. 38 Лихов-Даненберг - Линебург.^[3][4]

Градски совет

Градскиот совет се состои од 23 избрани членови.^[5]

	CDU	Зелени	SPD	ЗОЛи	UWG	Граѓанска листа	Вкупно
2016	8	3	4	2	3	3	23 места

Градоначалник

Градоначалник на градот Даненберг е Гинтер Фос.

Сите градоначалници од 1945 година:

• 1945–1946: Вилхелм Ордас
• 1946–1949: Херман Штраус
• 1949–1968: Вили Копс (CDU)
• 1968–1972: Зигфрид Абрахам (SPD, подоцна CDU)
• 1972–1984: Валтер Ешрих (CDU)
• 1984–1991: Херман Предел (CDU)
• 1991–2001: Бернард Фатман (SPD)
• 2001–2010: Петер Зелбер (CDU)
• 2010–2011: Гинтер Фос (независен, Група Фос/CDU)
• 2011–2016: Елке Мундхенк (Сојуз 90/Зелени)
• од 2016: Гинтер Фос

Збратимени градови

Даненберг бил збратимен со следниве градови:

• Ласк, Полска (од 1999 г.)

Познати луѓе

• Август Помладиот (1579-1666) — војвода
• Јоханес Шулц (1582-1653) — композитор
• Августин Готфрид Лудвиг Лентин (1764-1823) — писател и преведувач
• Елеоноре Прохаска (1785-1813) — војник
• Теодор Кернер (1791-1813) — писател
• Бернхард Риман (1826-1866) — математичар
• Хари Бреслау (1848-1926) — историчар и дипломат
• Николас Борн (1937-1979) — писател
• Детлеф Вајгел (р. 1961) — биолог
• Кај Фагашински (р. 1974) — кларинетист и композитор

Галерија

• 
  Поглед на Амтсберг
• 
  Новоградба со делови од старата фасада на изгорениот хотел „Ратскелер“
• 
  Улица во градот
• 
  Стари куќи во градот
• 
  Железничката станица Даненберг-Ост