Дариј I

Дариј I Велики (околу 549 — 486 п.н.е.)^[1] — крал на Персија од 522 до 486 година п.н.е.

Дариј I од Персија
Голем крал (шах) на Персија, Фараон на Египет
Дариј I од Персија
На престол	522 - 486 п.н.е.
Претходник	Смердис од Персија
Наследник	Ксеркс I
Династија	Ахменидска династија
Вероисповед	зороастризам

Гробот на Дариј I во Накш-е Рустам, денешен Иран.

Дошол на власт по контроверзи и крвопролевања во кои загинале двајца синови на Цирус (Кир) Големиот.^[2] Неговото владеење било проследено со постојани побуни на покорените територии: двапати Вавилон, трипати Сусиана и еднаш Јонија. Поради тие побуни презел низа воени походи кои завршиле неуспешно, вклучувајќи го и походот против Јонија и поразот во Маратонската битка.^[3] Дариј ги потчинил народите во Понтските и Ерменските планини и ја проширил доминацијата на Персија во Кавказот.

Извршил реформи во војската и морнарицата како што се задолжителен воен рок, плата за војниците и воен тренинг.