Двокамшични

Двокамшичните или биконти (науч. Bikonta) се еукариотски клетки со две камшичиња. Ова е оддел на еукариотите.^[1]

Двокамшични
Радиоларија
Научна класификација
Домен:	Еукариоти
(нерангирано)	Двокамшични
Надгрупи
Apusozoa Rhizaria Excavata Archaeplastida Chromalveolata

Ензими

Друга одлика на двокамшичните е спојувањето на два гена во една единица: гените за тимидилатсинтаза (TS) и дихидрофолатредутаза (DHFR) кои шифрираат една белковина со две намени.^[2]

Гените засебно се преведуваат во еднокамшични.

Сродство

Некои испитувања укажуваат на тоа дека еднокамшичните (еукариотна клетка со едно камшиче) се предци на заднокамшичните (Животни, Габи и сродни облици) и Амебозоите, а дека двокамшичните се предци на Архаепластидите (Растенијата и сродните организми), Екскаватите, Ризариите и Хромалвеолатите. Кавалиер-Смит смета дека Безножните, кои најчесто се сметаат за incertae sedis, се всушност двокамшични.

Сродството помеѓу двокамшичните сè уште е недоволно истражено. Кавалиер-Смит ги групира Екскаватите и Ризариите во Кабозоите, а Архаепластидите и Хромалвеолатите во Кортикатите, но барем едно друго испитување укажува на тоа дека Ризариите и Хромалвеолатите сочинуваат клад.^[3]

Поврзано

• Еднокамшични
• Разнокамшични