Деспина (месечина)

Деспина (или Нептун V) — трета по близина месечина на планетата Нептун. Наречена е по митската нимфа Деспина, ќерка на Посејдон и Деметра.

Деспина

Поглед на Деспина од „Војаџер 2“
Откривање
Откривач	Стивен Синот[1] и стручњаци за слики на „Војаџер“
Откриено	јули 1989
Ознаки
Наречена по	нимфата Деспина
Орбитални особености[2][3]
Епоха 18 август 1989
Голема полуоска	52 525,95  км
Занесеност	0,00038 ± 0,00016
Орбитален период	0,33465551 ± 0,00000001 ден.
Наклон	0,216 ± 0,014° (кон Нептуновиот екватор) 0,06° (кон месната Лапласова рамнина)
Месечина на	Нептун
Физички особености
Димензии	180×148×128 км[4][5]
Среден полупречник	78,0 ± 4,7 км[3]
Зафатнина	~1,8×106 км2
Маса	~2,2×1018 кг (според претпоставена густина)
Средна густина	~1,2 г/см3 (проц.)[6]
Површинска гравитација	~&100000000000000260000000,026 м/с2[a 1]
Втора космичка брзина	~0.063 км/с[a 2]
Вртежен период	синхрон
Осен наклон	нула
Албедо	0,09[4][6]
Температура	~51 K (средна проц.)
Привидна величина	22,0[6]

Откривање

Месечината е откриена кон крајот на јули 1989 г. од сликите направени од вселенската сонда „Војаџер 2“ истата година. Добила привремена назнака S/1989 N 3.^[7] Откритието е објавено на 2 август 1989 г., со тоа што датумот на откривање е некаде пред 28 јули. Името го добила на 16 септември 1991 г.^[8]

Физички особености

Деспина има пречник од 152 км.^[9] Има неправилен облик и не покажува знаци на геолошка видоизменетост. Веројатно станува збор за куп од шут насобран од парчиња од првичните месечини на Нептун, нарушени со растројувањата предизвикани од Тритон набргу по неговиот зафат во многу занесена почетна орбита.^[10]

Орбита

Орбитата на Деспина е блиску до, но вон онаа на Таласа и во почетниот дел на Леверјеовиот прстен, со улога на предводечка месечина^[11] Бидејќи исто така е сместена под полупречникот на Нептуновата синхрона орбита, Деспина постепено се завува навнатре, што се должи на плимното забрзување и може со време да навлезе во планетарната атмосфера, или пак да се распарчи во планетарен прстен откако ќе ја премине Рошовата граница под дејство на плимно истегнување.

Белешки

1. Повшринската гравитација е изведена од масата m, гравитациската константа G и полупречникот r: Gm/r².
2. Втората космичка брзина е изведена од масата m, гравитациската константа G и полупречникот r: √2Gm/r.