Димитар Цухлев

Димитар Николов Цухлев е бугарски историчар.

Димитар Цухлев
Роден(а)	1864 Љасковец, Османлиска империја (денешна Бугарија)
Починал(а)	1932 Видин, Царство Бугарија

Биографија

Роден е на 25 декември 1864 година во Љасковец. Во 1884 година завршил Петропавловска духовна семинарија во родниот град. За кратко е учител во Солунската машка гимназија, а во 1889 година завршил историја во Санктпетербуршката духовна академија.^[1]

Во следните години Цухлев е учител во Трново (1890 – 1892), Русе (1892), Сливен (1892 – 1897). Во 1898 – 1900 година е директор на бугарското училиште во Браила. Потоа заминува во Видин, кадешто е учител во женското училиште (1900 – 1903) и машката гимназија (1903 – 1911) и училишен инспектор (1911 – 1913). Испратен е за кратко во Разград, но од 1914 до 1924 година повторно е учител во Видин.^[2]

Димитар Цухлев е автор на двотомната „История на Българската църква“ – првата сеопфатна студија во оваа област, која и денес се наведува како најцелосно испитување на ширењето на христијнаството во Бугарија.^[1][3] Во 1910 година тој го предава ракописот на Светиот синод со молба да биде публикуван – првиот том е издаден следната година, но вториот е изгубен.^[2] Подоцна ја пишува автобиографијата „Моят живот“, а кон крајот на својот живот и потхумно издадената „История на града Видин и неговата област“.^[2]

Димитар Цухлев починал на 13 август 1932 година во Видин.