Добривое Радосавлевиќ

Добривое Радосавлевиќ – Боби (Књажевац, 28 јануари 1915 – Белград, 4 април 1984) — српски комунист, учесник во НОБ. По ослободувањето е прогласен за народен херој.

Добривое Радосавлевиќ во 1956 година

Член на КПЈ од 1933 година. Во 1934 година е уапсен и осуден на три-годишна робија, која ја издржува во Сремска Митровица. На почетокот на вооруженото востание, во јули 1941 година, како инструктор на Покраинскиот комитет на КПЈ за Србија, работел на организирање на првите партизански одреди во Тимочката краина, а потоа ЦК КПЈ го испраќа за инструктор во Македонија. Во Македонија доаѓа на 25 август 1942 година^[1] и останува до крајот на војната.

По војната е во врвот на српското партиско раководство, а во периодот септември 1966 - февруари 1968 година е претседател на ЦК на Сојузот на комунистите на Србија.