Драматички мост

Драматички мост (грчки: Γεφύρι Αγγίστας) — стар османлиски камен мост во областа Зихненско, Егејска Македонија.^[1]

Драматички мост Γεφύρι Αγγίστας
Поглед на мостот и реката Драматица
Координати	41°0′45″N 23°56′27″E
Преминува	Драматица
Место	меѓу Станиџа Анџиша и Станица Драчево, Зихненско, Егејска Македонија
Особености
Вид	лачен
Материјал	камен
Висина	5,9 м
Распони	5
Местоположба

Местоположба

Мостот ја преминува реката Драматица (Ангитис), лева притока на Струма, и се наоѓа непосредно до селото Станица Анџишта (на јужниот лев брег) и селото Станица Драчево (на северниот десен).

Историја

Се смета дека мостот потекнува од антиката. Последната фаза е од раноосманлиско време. Неговата непрекината употреба толку долго време укажува на значајноста на патот кој ја поврзува рамнината со северното и западното подножје на планината Кушница.^[1]

Опис

Мостот има пет заострени лакови, од кои денес се гледаат само четири. Претставува единствениот преостанат своден мост во источна Егејска Македонија. Висок е 5,9 м и има насоченост север-југ. Изграден е од делкан варовнички туф и силен малтер.^[1]