Дубровнички перпер

Дубровничкиот перпер, во романските јазици се среќава и како Рагушки перпер, по историското име на Дубровник, Рагуза, бил сребрена монета, кована и користена во Дубровничката Република во периодот од 1683 година, сè до распадот на републиката во 1808 година.^[1]

Дигитален цртеж на лице на монета рагушки перпер издадена во 1708 г.

За други значења на поимот, погл. Перпер (појаснување).

На лицето бил претставен Свети Власиј, патрон на републиката, држејќи макета од Дубровник и епископски жезол во левата рака, и давајќи благослов со десната. Десно и лево од него стоеле латинските букви S и B, означувајќи го името на светецот на латински — Sanctus Blasius, како и годината кога е кована парата. Околу краевите во кружна форма стоел натписот PROT-RÆIP-RHAGVSINÆ, значејќи „заштитник на Рагуза“. На опачината пак бил насликан ликот на Исус Христос со натпис SALVS TVTA.^[2]

Монетите тежеле од 3,98 до 6,42 грама и биле издавани во пречници помеѓу 26 и 29 милиметри. Дубровничкиот перпер бил поделен на рагушки денар и рагушки солдо, така што еден перпер вредел 12 денари односно 72 солди.

Поврзано

• Перпер (појаснување)