Источна Тракија

Источна Тракија (турски: Doğu Trakya) или Турска Тракија е источниот дел на историско-географската област Тракија, а денес е делот на Турција на европскиот континент. Овој регион почесто е наречен и Европска Турција и во овој регион се вклучени поголемите центри како што се Истанбул, Одрин, Чорлу или Лилебургаз.

Карта на регионот Тракија. Источна Тракија е делот во рамките на Турција.

Географија

Источна Тракија зазема 12 проценти од вкупното население на државата и има 23 764 км² односно 3 проценти од вкупната територија на Турција. Источна Тракија од остатокот на Турција е поделен по природен пат, односно почувајќи од север со Босфор преку Мрамрното Море и завршувајќи со Дарданели и Средоземното Море на југ. На запад Источна Тракија се граничи со Грција, а на север со Бугарија.^[1] Најголем број од населението на Источна Тракија се Турци.

Историја

Источна Тракија во ремките на Отоманското Царство била дел од Одринскиот вилает. Вилаетот бил населен воглавно од турско и грчко население, но имало и одреден број бугарско и македонско население^[2] По Балканските војни, христијанското население од Одринско било прогонето од страна на турските власти^[3], и денес регионот е претежно населен со турско население.

Отомански статистички податоци за Одринскиот вилает и Истанбулскиот вилает од 1910[4]
Санџак	Турци	Грци	Бугари и Македонци	други	вкупно
Одрин	128,000	113,500	31,500	14,700	287,700
Кирк Килисе	53,000	77,000	28,500	1,150	159,650
Родосто	63,300	36,000	3,000	21,800	144,300
Такирдаг	63,500	56,000	3,000	21,800	144,300
Галиполе	31,500	70,500	2,000	3,200	107,200
Дедеагач	45,300	29,000	17,000	650	91,630
Комотини	185,000	22,000	23,500	2,200	234,700
Чаталџа	18,000	48,500	-	2,340	68,840
Истанбул	450,000	260,000	6,000	130,000	846,000
вкупно %	974,500	676,600	113,500	176,040	1,940,040
Статистички податоци на Патријаршијата од 1912
вкупно %	836,500	726,00	114,000	340,700	2,017,800