Елегија

Елегија — лирска песна во која се опеани тажни чувства и расположенија. Името го добила од грчкиот збор elegion што значи тажаленка. Причини за тажните расположби на поетот можат да бидат смртта за некој близок, жал за младоста, загубена љубов, осаменост и слично. Во елегиите се опејуваат тажни чувства поради состојбите во татковината , изгубената слобода или слично.

Елегии во македонската книжевност пишувале : Коста Рацин, Коле Неделковски, Ацо Шопов.

Примери на елегии во книжевноста

• „Римски елегии“ - поетски циклус на Гете од 1788 година.^{[1] [2]}
• „Елегија“ — песна на македонскиот поет Јован Котески.^[3]
• „Елегија“ — песна на рускиот поет Александар Пушкин од 1830 година.^[4]
• „Елегии за тебе“ - песна на Кочо Рацин.^[5]
• „Дуински елегии“ - поетски циклус на Рајнер Марија Рилке од 1912-1922 година.^[6]

Елегии во музиката

• „Елегија“ (англиски: Elegia) — песна на британската поп-рок група Њу ордер (New Order) од 1985 година.^[7]
• „Елегија“ (Elegie) — песна на американската рок-музичарка Пати Смит (Patti Smith) од 1975 година.^[8]