Епи

Епи (бислама: Epi) е остров во покраината Шефа во Вануату.

Епи

Карта на Епи.
Географија
Место	Тихи Океан
Координати	16.89°S 168.30°E / -16.89; 168.30
Архипелаг	Вануату
Површина	444 км2
Највисоко место	833 м
Највисока точка	Помаре
Држава
Vanuatu
Покраина	Шефа
Демографија
Население	5,207 (2009)
Густина	6,84 /km2 (1.772 /sq mi)

Население

Според податоците од 1986 година островот имал население од 3.035 жители, а според пописот од 2009 година островот имал население од 5.200 жители.^[1][2]

На островот Епи се зборуваат: бјериски јазик, маиски јазик, бакиски јазик, бјерепски јазик и ламенски јазик. На островот функционирал Средното училиште Епи, како и болницата Ваенали.

Географија

Островот е долг 43 километри, широк до 18 километри со вкупна површина од 444 км². Вкупниот брег на островот е 130 километри. Епи е остров со вулканско потекло и највисока точка е Помаре со 833 метри надморска висина. Во непосредна близина на Епи се островите Намука и Ламен.^[3]

Во северозападниот дел на островот се наоѓа Ламенскиот Залив, каде има песочни плажи. Во заливот има и корален гребен. ’Ртот Форланд се наоѓа на западниот брег на Епи. Во североисточниот дел на островот се наоѓа Драмондскиот Залив каде се наоѓа и Заштитената морска област Никаура. Оваа област била основана во 2000 година. На островот има три мали езера со свежа вода.

Историја

Епи претрпел иселување во 19 век, до степен што ова иселување било најголемо од сите острови во Вануату. Има податоци дека во минатото островот бил многу повеќе јазично разновиден, за разлика од денес. Луѓето од внатрешноста на островот биле преселени на брегот.^[4]

Сообраќај

На Епи има два аеродрома, односно писти: Аеродром Ламенски Залив и Аеродром Валесдир.