Жерар Улие

Жерар Пол Франсис Улие (роден на 3 септември 1947 година во Теруан - починал на 14 декември 2020 во Париз) — поранешен француски фудбалер, играч од средниот ред, и фудбалски тренер.

Жерар Улие
Лични податоци
Полно име	Жерар Пол Франсис Улие[1]
Роден на	3 септември 1947(1947-09-03)[2]
Роден во	Теруан, Франција
Починал на	14 декември 2020(2020-12-14) (возр. 73)
Починал во	Париз, Франција
Држава	Франција
Играчки податоци
Позиција	среден ред
Повлекување	1977 (30 г.) - како играч 2011 (63 г.) - како играч
Кариера*
Години	Клуб	Наст.†	(Гол.)†
1968-1969	Олсоп
1969-1971	Икелје
1971-1977	Ле Тук
Раководител на екипите
1973-1976	Ле Тук
1976-1982	Ну-ле-Мин
1982-1985	Ланс
1985-1988	Париз Сен Жермен
1988-1992	Франција (асистент)
1992-1993	Франција
1994-1996	Франција 18
1996-1997	Франција 20
1998-2004	Ливерпул
2005-2007	Олимпик Лион
2010-2011	Астон Вила
* Ажурирано на: 2 јануари 2012 ** Ажурирано на: 2 јануари 2012

Кариера

Пред завршувањето на својата играчка кариера во која настапувал само за аматерски клубови, Улие станал тренер на екипата на Ле Тук - која била последната за која играл - вршејќи ја должноста на играч-тренер. Потоа тој ја преземал тренерската функција во францускиот петолигаш Ну-ле-Мин, со кој и покрај малите ресурси со кои располагал клубот успеал да избори три промоции и да стигне до втората дивизија во сезоната 1978-1979.^[3] Во неговите последни две сезони клубот се борел за промоција во Дивисион 1, но во двата случаи останале само на едно место под позицијата која водела во повисок ранг, а во вториот случај дури само за еден бод.

Во 1982 година, Улие бил назначен за тренер на прволигашот Ланс, со кои во првата сезоната завршил на 4-тото место. Во 1985 година ја презел функцијата во Париз Сен Жермен, со кој уште во првата сезона успеал да ја освои титулата во француското првенство - што била прва во историјата на парискиот клуб.

Во 1998 година бил назначен за менаџер на англискиот Ливерпул. До 2004 година, тој ги водел редситe во 307 официјални натпревари (најмногу во еден клуб во неговата кариера) освјувајќи неколку трофеи како ФА Купот, два Лига купа, еден ФА Черити Шилд, еден Суперкуп на УЕФА и пред се Купот на УЕФА во сезоната 2000-2001, победувајќи го во неверојатен натпревар шпанскиот Алавес во финалето со 5-4 со златен гол. Во 2004 година, со заемен договор тој и Ливерпул ја прекинале соработката^[4] и тој бил наследен на клупата на Ливерпул од Рафаел Бенитес.^[5]

Во периодот 2005-2007, Улие бил тренер на Олимпик Лион, со кои освоил две титули во Лига 1. Својата последна сезона во кариерата како тренер (2010-2011) ја поминал на клупата на Астон Вила.

Улие починал на 14 декември 2020, на возраст од 73 години, после долгогодишните срцеви проблеми.^[6]

Титули

Тренер

Клупски Париз Сен Жермен Дивисион 1 : 1 1985-1986 Ливерпул ФА Куп : 1 2000-2001 Лига куп на Англија : 2 2000-2001, 2002-2003. ФА Черити Шилд : 1 2001 Куп на УЕФА : 1 2000-2001 Суперкуп на Европа : 1 2001 Олимпик Лион Лига 1 : 2 2005-2006, 2006-2007. Суперкуп на Франција : 2 2005, 2006 Репрезентативни Фрација под 18 години Европско првенство под 18 години : 1 1996.

Поединечни Тим на годината на УЕФА: 1 2001.[7] Европски тренер на годината: 1 2001 Тренер на годината според World Soccer: 1 2001 Тренер на годината според Onze Mondial: 1 2001 Тренер на годината во Лига 1: 1 2007 Менаџер на месецот во Премиер лигата: декември 1999, март 2002, октомври 2002.[8]

Почести

Кавалер на Легијата на честа (Франција)
— 2002^[9]

Орден на Британската Империја (Велика Британија)
— 2003