Знаме на Замбија

Знамето на Замбија е официјалното знаме на оваа африканска држава, усвоено на 24 октомври 1964. Знамето е составено од зелена заднина, каде во слободниот дел во долниот агол има три вертикални ленти во црвена, црна и портокалова боја. Над лентите има златен орел во лет. Зелената боја била променета во 1996 година, па така денес е посветла и ги симболизира природните богатства на земјата. Црвената боја ја симболизира борбата за слобода на замбискиот народ, црната го симболизира народот а портокаловата минералите. Орелот ја симболизира можноста на народот да застане над проблемите на нацијата.^[1] Знамето било направено од Габриел Елисон, кој е дизајнер и за националниот грб.

Знаме на Замбија

Употреба	државно знаме Национален симбол на Замбија.
Сразмер	2:3
Усвоено	24 октомври 1964
Опис	зелена позадина со три мали ленти и орел.
Творец	Габриел Елисон

Останати знамиња

Претседателско знаме.	Знаме на полицијата на Замбија.	Знаме на замбиското воздухопловство.	Старото знаме на Замбија.