Знаме на Егејска Македонија

Знамето на грчка Македонија (грчки: Σημαία της Μακεδονίας) — знаме кое Грците во Егејска Македонија го користат како неофицијално знаме на три периферии: Западна Македонија, Централна Македонија и Источна Македонија и Тракија.^[1] Знамето е со сина позадина на која има приказ на златна Ѕвезда од Кутлеш и е слично со поранешното знаме на Македонија. Ова знаме го користат и организации на Грци од Егејска Македонија во дијаспората, како што се тие во Соединети Американски Држави и Австралија^[2][3][4].

Знаме на грчка Македонија

Употреба	граѓанско знаме Национални симболи на Грција.
Сразмер	2:3
Опис	Златна Ѕвездата од Кутлеш на сина позадина.

Не е јасно кога точно знамето почнало да се употребува, но најверојатно е во доцните 1980-ти.^[5] Во февруари 1993 грчкиот Парламент го изгласал знамето со Ѕвездата од Кутлеш за неофицијален национален симбол.^[6] Во јули 1995, Грција поднела барање за заштита на правото на сопственост на заштитниот знак Ѕвездата од Кутлеш како официјален државен симбол според Член 6 од Париската конвенција за заштита на индустриска сопственост^[7] со Светската организација за интелектуална споственост.^[8] Сличноста со првото знаме на Македонија, која го искористила истиот дизајн на Ѕвездата од Кутлеш на црвена основа со пропорции 1:2, предизвикала контроверзии во Грција.^[5]

Галерија

• 
  Знамето „Ѕвезда од Кутлеш“ во Кожани, заедно со Европското знаме и знамето на Грција.
• 
  Првото знаме на Македонија.

Поврзано

• Знаме на Грција
• Славна Македонија
• Ѕвездата од Кутлеш
• Знаме на Македонија