Империја (ТВ Серија)

Империја (англ. Empire) — американска телевизиска серија, создадена од Ли Дениелс и Дени Стронг. Првата епизода се емитуваше на 7 јануари 2015 на американскиот телевизиски канал FOX. Приказната на серијата се центрира околу Луциус Лајон, основач и директор на Empire Entertainment, една од најуспешните музички издавачки куќи во Америка.

Империја
Жанр	драма сапуница
Создадена од	Ли Дениелс Дени Стронг
Улоги	Теренс Хауард Тараџи Пи. Хенсон Џуси Смолет Малик Јоба
Воведна тема	No Apologies
Композитор(и)	Фил Ајслер Тимбаланд (песни)
Земја на потекло	САД
Првичен јазик	англиски
Бр. на сезони	6
Бр. на епизоди	102 (список на епизоди)
Производство
Камера	мулти камера
Времетраење	42 минути
Прикажување
Првична мрежа	FOX
Првично прикажување	7 јануари 2015 – денес
Надворешни врски
Мрежна страница	fox.com/empire/

Премиерата на серија стекна неверојатно добри критики и публика од околу 9.90 милиони гледачи. Бројот на гледачи расте секоја недела; Империја е првата серија каде што секоја наредна епизода стекнува поголема публика и интерес од претходната.

Глумци и улоги

• Теренс Хауард во улогата на Луциус Лајон, поранешен дилер на дрога и директор на Empire Entertainment, кој се соочува со потешкотии откако гревовите од минатото се враќаат да го гонат во сегашноста. Луциус е свршен со Аника.
• Тараџи Пи. Хенсон во улогата на Куки Лајон, Луциовата бивша жена и мајката на неговите три сина која поминала 17 години во затвор заради дилерство со дрога.
• Траи Бајарс во улогата на Андрè Лајон, најстариот син на Луциус и Куки. Андрè е финансискиот директор на Empire Entertainment која боледува од биполарно растројство.
• Џуси Смолет во улогата на Џамал Лајон, "црната овца" во фамилијата и најталентираниот од трите синови. Џамал е хомосексуалец, и заради тоа е во несогласности со неговиот татко.
• Брашир Греј во улогата на Хаким Лајон, хип-хоп ѕвезда и најомилениот син на Луциус. Хаким е во одлична врска со брат му Џамал и чувствува омраза спрема Куки.