Ирско републиканство

Ирско републиканство (ирски. poblachtánachas Éireannach, англ. Irish republicanism) — идеологија и политичко движење кое се противи на британското присуство во Ирска и се залага целиот остров Ирска да стане обединета, независна и егалитарна република.

„Раѓањето на Републиката“, од Волтер Паџет.

Движењето, кое има демократски и националистички карактер, почнало да зајакнува во 18 век, а својот врв го достигнало во 20 век. Цел на борбата е да се стави крај на британското владеење во Ирска со цел земјата да стане обединета република. Британското владеење, всушност трае речиси 700 години, а Ирците се обидувале да се ослободат преку разни бунтови и востанија.^[1][2]