Источен Остров (Крозе)

Источен Остров (француски: Île de l'Est) е ненаселен остров во Индискиот Океан, дел од групата на Крозеови Острови. Овој остров има вкупна површина од 130 км² и е втор најголем остров во архипелагот. Административно, островот е дел од Француските Јужни и Антарктички Земји.

Источен Остров

Карта на островот на француски.
Географија
Координати	46°25′S 52°12′E
Архипелаг	Крозеови Острови
Површина	130 км2
Должина	18 км
Ширина	8 км
Највисоко место	1.090 м
Највисока точка	Мон Марион-Дифресне
Држава
Франција
Демографија
Население	0

Географија

Како што укажува и самото име, островот е најисточен во архипелагот. Островот е на 20 километри источно од Посесион. Островот е претежно составен од гол карпести предел. Овој остров е најпланински од сите во архипелагот и највисока точка е 1090 метри надморска висина. Брегот е составен од високи сртови. На неколку места има стрмни долини од ледничко потекло. Неавтохтона биота на островот се само зајаците. Нема конструкции направени од човекот и понекогаш е посетен од истражувачи.^[1]

Галерија

• 
  Поглед кон островот од Посесион.

Поврзано

• Крозеови Острови