Источноафрикански црн носорог

Источноафрикански црн носорог (Diceros bicornis michaeli) познат и само како источен црн носорог е под вид на црниот носорог. Ова животно се наоѓа на списокот на критично загрозени видови на МСЗП. Бројот на единки е драстично намален како реултат на прекумерниот лов поради неговиот рог.

Источноафрикански црн носорог
Заштитен статус
Критично загрозен  (МСЗП 3.1)
Научна класификација
Царство:	Животни
Колено:	Хордати
Класа:	Цицачи
Ред:	Perissodactyla
Семејство:	Rhinocerotidae
Род:	Diceros
Вид:	D. bicornis
Подвид:	D. b. michaeli
Триномен назив
Diceros bicornis michaeli Zukowsky, 1965

Каракеристики

Источниот црн носорог се разликува од јужните подвидови по неговиот подолг, потенок и закривен рог. Diceros bicornis michaeli се смета за поагресивен од останатите три подвида на црниот носорог. Најчесто живеат во планинските шуми и саваните.

Популација

Во минатото бил распространет низ териториите на Етиопија, Судан, Сомалија, Танзанија, Кенија и Уганда. Денес го има само во северна Танзанија и Кенија, каде ѓивее 86,3% од преостанатата популација. Во последните три генерации има намалување на бројноста од 90%, но засега популацијата во Кенија се смета за стабилна. Со проценките направени во 2001 година, се претпоставува дека во дивината има 498 носорози од овој подвид. Најголема закана за овие животни е нелегалниот лов поради нивните рогови.

Надворешни врски

• http://www.iucnredlist.org/search/details.php/39320/summ%5Bмртва+врска%5D
• http://www.iucnredlist.org/search/details.php/39320/doc%5Bмртва+врска%5D
• http://www.iucnredlist.org/search/details.php/39320/dist%5Bмртва+врска%5D
• http://www.rhinos-irf.org/rhinoinformation/blackrhino/subspecies/eastern.htm Архивирано на 11 октомври 2007 г.
• http://www.rhinos-irf.org/ Архивирано на 11 октомври 2007 г. (International Rhino Fund dedicated to the conservation of rhinos)