И-Ти вонземјанинот

„И-Ти вонземјанинот“ (англиски: E.T. the Extra-Terrestrial), познат и како „Вонземјанин“ — научнофантастичен филм од 1982 година во режија на Стивен Спилберг (Steven Spielberg), кој е и еден од продуцентите. Авторка на сценариото е Мелиса Метисон (Melissa Mathison), а главните улоги ги играат: Ди Волас-Стоун (Dee Wallace-Stone), Хенри Томас (Henry Thomas), Питер Којоти (Peter Coyote), Роберт Мекмотон (Robert MacMaughton) и Дру Баримор (Drew Barrymore). Филмот, кој првпат бил прикажан на Канскиот фестивал надвор од службената програма, постигнал голем успех кај публиката и остварил голема заработка, а списанието „Entertainment Weekly“ го ставил на списокот на дваесете најдобри филма на сите времиња. Меѓу занимливостите е тоа што Спилберг го снимал филмот по хронолошки редослед за да оствари подобро соживување на глумците со нивните улоги (особено на децата), а дури 10 % од вкупниот буџет од 1,5 милиони долари биле потрошени на специјалните ефекти. Филмот бил предложен за наградите „Оскар“ во девет категории, а победил во четири.^[5] Освен тоа, филмот освоил и бројни други награди.^[6] Инаку, филмот ја раскажува приказната за момче што се спријателува со дружељубив вонземјанин.^[7]

„И-Ти вонземјанинот“
Филмскиот плакат
Режисер	Стивен Спилберг
Сценарист	Мелиса Метисон
Главни улоги	Ди Волас Хенри Томас Питер Којоти Роберт Мекнотон Дру Баримор
Музика	Џон Вилијамс
Кинематографија	Ален Давио
Монтажа	Керол Литлтон
Студио	Amblin Entertainment
Дистрибутер	Universal Pictures
Премиера	26 мај 1982 г. (Кејнс) 11 јуни 1982 г. (САД)
Времетраење	114 минути[1]
Земја	САД
Јазик	англиски
Буџет	10,5 милиони долари[2][3]
Бруто-заработка	792,9 милиони долари[2][4]

Содржина

За време на една ноќна посета на Земјата, екипажот на еден вселенски брод случајно го заборава еден член. Детето Елиот (го игра Томас) го пронаоѓа вонземјанинот и го сокрива во својата соба, а својата тајна им ја кажува само на братот и сестрата, кои веднаш ќе го засакаат необичниот гостин. Свесни дека вонземјанинот не може да остане на Земјата, децата решаваат да му помогнат да стапи во контакт со својата планета...