Кале (Горно Татеши)

Кале — археолошко наоѓалиште во близина на струшкото село Горно Татеши. Претставува утврдување од римско време. Се наоѓа на околу 2-3 км северозападно од селото на висок рид со местоположба која доминира над целата околина, на надморска височина од околу 1.000 м. На зарамнетото плато, кое зафаќа површина со димензии од 40 × 60 м, се гледаат темели од бедеми, а по површината е откриено големо количество градежен материјал. Откриени се и неколку базени за собирање на дождовница. На овој простор, пред Втората светска војна е пронајдена сребрена монета (веројатно тетрадрахма). Тоа укажува на можноста калето да постоело од I век пред н.е. па сè до доцната антика, што може да се заклучи и од големиот број фрагменти од керамички садови, питоси и друг археолошки материјал пронајден на површината.^[1]

„Кале“
Местоположба	41°15′37″N 20°40′37″E
Основни податоци
Место	Горно Татеши
Општина	Струга
Тип	тврдина
Период	римско време
Портал „Археологија“

Поврзано

• Горно Татеши;
• Бегова Нива - Ќеле — населба од доцноантичко време;
• Горна Ливада — некропола од доцен среден век;
• Петкова Нива — населба од доцноантичко време;
• Црква — населба од доцноантичко време;
• Штрати — населба од доцноантичко време.