Канал Одра-Шпре

Каналот Одра-Шпре (германски: Oder-Spree-Kanal) — канал во источниот дел на Германија. Ја поврзува реката Даме, кај Шмеквиц, југоисточните предградија на Берлин, со реката Одра, кај Ајзенхитенштат. Обезбедува важна трговска пловна врска помеѓу Берлин и Одра, а оттука и Полска.^[1]

Брана на каналот во Вернсдорф

Каналот има неколку поврзувања со реката Шпре. На околу 20 километри близу Фирстенвалде, каналот ја користи реката како дел од неговиот тек, а оттука има пловна врска со горниот тек на реката, иако овој дел е доста плиток и оттука обично е користен само за рекреација. Меѓутоа, главната врска е преку реката Даме, која се влева во реката Шпре кај Кепеник, источно од центарот на Берлин.^[1]