Клајпеда

Клајпеда (литвански: Klaipėda; германски: Memel) — најголем приморски град и најголемо пристаниште во Литванија сместен на устието на реката Дане, која се влева во Балтичкото Море. Претставува трет најголем град во Литванија и е административно седиште на истоимениот округ.

Клајпеда
Градска општина
Знаме Грб
Прекар(и): Уостамиестис (Uostamiestis; „пристаништен град“)
Местоположба на Клајпеда
Координати: 55°42′40″N 21°07′50″E
Држава	Литванија
Етнографски регион	Мала Литванија
Округ	Клајпедски
Општина	Градска општина Клајпеда
Првпат споменат	1252
Доделени градски права	1254
Површина
• Вкупна	110 км2 (40 ми2)
Надм. вис.	&1000000000000002100000021 м
Население (2014)
• Вкупно	157,350[1]
Час. појас	EET (UTC+2)
• Лето (ЛСВ)	EEST (UTC+3)
Поштенски број	91100-96226
Повик. бр.	(+370) 46
Мреж. место	klaipeda.lt

Градот има сложена историја, делумно поради огромното регионално значење на пристаништето, кое не замрзнува во текот на зимата. Бил контролиран од Тевтонските витези, Војводството Прусија, Кралството Прусија, Германското Царство, земјите на Антантата веднаш по Првата светска војна, Литванија како последица на буната во 1923 и Третиот Рајх по германскиот ултиматум до Литванија во 1939. Градот бил припоен кон Литванија во текот на нејзиното основање како советска социјалистичка република и останал во Литванија и по нејзиното повторно основање како независна држава.

Бројот на население опаднало од 207.100 во 1992 на 157.350 во 2014. Во близина на градот се наоѓаат популарни приморски одморалиште, градот Нида на југ на Курскиот Провлак и Паланга на север.

Спорт

• ФК Атлантас. Фудбалски клуб.