Клејмор (манга)

Клејмор (јапонски: クレイモア, англиски: Claymore) — манга на Норихиро Јаги. Од 2001 до 2007 г., била објавена во списанието Monthly Shonen Jump, од јули до ноември 2007 г. — во Weekly Shonen Jump еднаш месечно, додека издавачката куќа Shueisha не почнала да објавува ново списание: од ноември 2007 до октомври 2014 г., мангата била објавена на Jump Square.^[1][2]

Корицата на првиот том, вклучувајќи ја Клер

Аниме-серија заснована на заплетот на делото била прикажувана од 3 април до 25 септември 2007 г. И анимето и мангата се полни со сцени на насилство. Серијата манга била завршена во октомври 2014 г., со издадени 27 тома.^[3][4]

Содржина

Заплетот започнува од мигот кога една од клејморите по име Клер доаѓа во гратче со задача да ликвидира јома. Додека Клер ја започнува својата потрага, таа го запознава Раки, момче чии родители биле убиени од јома. По разговорот во кој Раки си го изразува својот пријателски однос кон Клер, таа, мирисајќи на јома од него, решава да го следи. Така таа го наоѓа и го убива врколакот што се криел под изгледот на братот на Раки. Набргу потоа Раки е протеран од селото — судбината на сите деца чии роднини биле изедени од јомите. Тој одлучува да ја следи Клер, во која не гледа чудовиште, како останатите луѓе, туку воин што се одмаздил за смртта на своите најблиски, и убава девојка. Така започнуваат патешествијата на клејморот и човекот.