Коле Стефановски

Коле Трајчев Стефановски ( 1914 во Железница — 30 декември 1944 во Гнилане) — македонски партизан, борец за слобода на Македонија и учесник во НОБ.^[1]

Коле Стефановски
Роден	1914 година Железница, Кралство Србија
Починал	30 декември 1944 година Гнилане, ДФ Србија, ДФЈ
Народност	Македонец

Животопис

Израснал во крајно бедно земјоделско и аргатско семејство. Во селото немало училиште, иако Кратово е во непосредна близина, немал можност да се школува, па останал неписмен. Немале доволно земја и стока па бил принуден да работи како општ работник и да аргатува по градските лозја за евтина дневница и тоа не наоѓајќи секогаш работа. На 8 септември 1944 година, тој стапил во редовите на НОВ, најпрво во составот на Месната команда во Кратово, а подоцна и во редовите на Седумнаесеттатa македонска ударна бригада. Учествувал во повеќе борби за ослободување на Македонија и останатите југословенски територии. Загинал во борбите со остатоците од балистичките банди крај Гнилане, на 30 декември 1944 година.^[1]