Коничка Река

Коничка Река^[1] (грчки: Σαραντάπορος, Сарандапорос) — река во денешна југозападна Грција и јужна Албанија. Претставува десна притока на реката Војуша, која се влева во Јадранско Море. Долга е 50 км, од кои последните 10 км ја образуваат границата меѓу Грција и Албанија.

Коничка Река
Коничка Река кај Присојани, Јанинско
Изворно име	Σαραντάπορος  (грчки)
Местоположба
Земји	Албанија и Грција
Физички особености
Извор
• место	Пинд, Егејска Македонија
Устие
• место	Војуша
• координати	40°4′18″N 20°35′17″E
Должина	50 км
Големина на сливот	870 км2
Проток
• просечен	6,93 м3/с
Особености на сливот
Течение	Војуша→ Јадранско Море

Извира помеѓу планините Грамошта и Горуша, во Костурскиот округ, Егејска Македонија. Тече низ подрачјето околу Борботско и околината во Нестрамско, Егејска Македонија, па продолжува низ Мајсторско и Коница во Епир. Преминувајќи ја државната граница, минува низ општините Центар Лесковик во областа Горица (Корча) и Кршово во областа Ѓирокастро, Албанија. На крајот се влева во Војуша на самата граница. Сливот зафаќа површина од 870 км², а реката има просечен годишен истек од 6,93 м³/с.^[2]

Поврзано

• Конички мост
• Коница — гратче во Епир
• Пинд
• Гликово — село во Лариско, на грчки наречено Сарандапоро