Кордоба (шпанска покраина)

Кордоба — една од 50-те покраини во Шпанија, во северноцентралниот дел на Автономната Заедница Андалусија. Се граничи со андалусиските покраини Малага, Севиља, Хаен и Гранада, екстремадурската покраина Бадахос и покраината Сиудад Реал, која е дел од автономната заедница Кастилја-Ла Манча. Нејзината површина изнесува 13.769 км ².

Кордоба
Покраина
Знаме Грб
Местоположба на Кордоба во Шпанија
Држава	Шпанија
Автономна заедница	Андалусија
Главен град	Кордоба
Управа
• Претседател	Антонио Руиз Круз (PSOE)
Површина
• Вкупна	13.769 км2 (5,316 ми2)
Ранг	13.
	2,73% од Шпанија
Население
• Вкупно	800,000
• Ранг	18.
• Густина	58/км2 (150/ми2)
	1,78% од Шпанија
Официјален јазик	Шпански
Парламент	Генерален кортес
Мреж. место	dipucordoba.es

Историја

Кралскиот декрет од 30 ноември 1833 година, ја создал покраината Кордоба (заедно со 48 други покраини),^[1] која била формирана со приклучување кон градовите на Кралството Кордоба и следните градови кои дотогаш ѝ припаѓале на покраината Бадахос: Белалказар, Фуенте ла Ланча, Хинојоса дел Дуке и Вилануева дел Дуке.

Развој на населението

Историското движење на населението е дадено на следниот графикон:

Географија

Преглед

Покраината е главно поделена на три географски области: Сиера Морена на север, Баетичка Депресија во центарот и Ла Кампиња на југ.^[2] Климата е континентална средоземна со температури во главниот град кои се движат од 9,2 °C во јануари до 27,2 °C во јули и август, кои често надминуваат 40 °C. Врнежите во главниот град се движат од 600 до 750 mm годишно. Периодот на врнежи е од октомври до април. Покраината Кордоба е на 11-то место во Шпанија во која целото население е концентрирано во главниот град. Во просек, 31,96% од населението на една шпанска покраина го населува главниот град. Покраината се состои од 75 општини. Тие понатаму се групирани во 8 окрузи.^[2]

Населението во Кордоба е 799.402 (2014), од кои повеќе од 40% живеат во главниот град Кордоба, а неговата густина на населеност е 58,06 ж/km ². Покраината Кордоба содржи 75 општини. Покраината има три природни паркови: Природен парк Сиера де Кардења и Монторо,^[3] Природен парк Сиера де Хорначуелос,^[4] и Природен парк Сиерас Субетикас.^[5] Универзитетот во Кордоба е основан во 1972 година.^[6]

Главниот град на покраината е добро позната туристичка дестинација. Мескита е изградена со помош на столбови со нерамна висина.^[7] Градот е прогласен за светско наследство во 1984 година.^[8]

Окрузи

• Ваље де лос Педрочес
• Ваље дел Гвадијато
• Ваље Медио дел Гвадалкивир
• Горен Гвадалкивир
• Кампиња Есте - Гвадахос
• Кампиња Сур
• Субетика

Поврзано

• Список на општини во Кордоба
• Катедралата во Кордоба