Крајници

Крајници^[1][2] (латински: tonsilla) — групи на лимфно ткиво кои се наоѓаат под епителот во устата и голтникот. Тие создаваат лимфоцити и се дел од имунолошкиот систем, а нивната улога е да го заштитат горниот дел на дишниот систем од инфекции.

Зад непчените лакови се гледаат зголемени непчени крајници

Постојат четири вида крајници:

• непчени крајници (латински: tonsilla palatina),
• голтничен крајник (латински: tonsilla pharygea),
• јазичен крајник (латински: tonsilla lingualis),
• тубен крајник (латински: tonsilla tubaria).

Сите тие го чинат т.н. Валдееров лимфен прстен (латински: annulus lymphaticus Waldeyer). Големината на крајниците е најголема во детството, а во периодот на пубертетот почнуваат полека да атрофираат заради намалувањето на бројот на лимфните јазли.

Поврзано

• Непчен крајник
• Голтничен крајник
• Јазичен крајник
• Тубен крајник