Криста Волф

Криста Волф (германски: Christa Wolf; Ландсберг, 18 март 1929 — 1 декември 2011) — германска писателка и есеистка.

Животопис

Криста Волф во 1963 год.

Криста Волф е родена на 18 март 1929 година, како Криста Иленфелд (Christa Ihlenfeld), во Ландсберг (денес во Полска), а живеела и работела во Берлин.^[1] Таа студирала германска книжевност и историја на Универзитетот во Јена, а потоа станала книжевен советник во Сојузот на германските писатели во Берлин. Некое време работела како уредничка во една издавачка куќа.^[2] Била омажена за Герхард Волф.

Творештво

Криста Волф во 2007 год.

За своите дела, Волф била повеќепати наградувана, а во 1980 година ја добила и познатата Бихнерова награда. Нејзини најважни дела се:^[3]

• „Размислувања за Криста Т.“
• „Под липите“
• „Урнек за детство“
• „Собрани раскази“
• „Читање и пишување“
• „Тил Ојленшпигел“(заедно со Герхард Волф)
• „Претпоставки на една новела“
• „Касандра“
• „Поделено небо“
• „На патот кон табуто“
• „Медеја“