Леопардов смок

Леопардов смок (науч. Zamenis situla или Elaphe situla) — вид неотровна змија од фамилијата на смоковите (Colubridae) ендемска во Европа (вклучувајќи ја Македонија^[3]), Мала Азија и на Кавказ.

Леопардов смок
Заштитен статус
Незагрозен  (МСЗП 3.1)
Научна класификација
Царство:	Животни
Колено:	Хордови
Потколено:	’Рбетници
Класа:	Влекачи
Ред:	Лушпари
Подред:	Змии
Семејство:	Смокови
Потсемејство:	Вистински смокови
Род:	Zamenis
Вид:	Леопардов смок
Научен назив
Zamenis situla (Linnaeus, 1758)
Синоними
Coluber situla Linnaeus, 1758 Coluber leopardinus Bonaparte, 1834 Callopeltis leopardinus — Bonaparte, 1839 Natrix leopardina — Cope, 1862 Coronella quadrilineata Jan, 1863 Coluber leopardinus — Boulenger, 1894 Elaphe situla — Engelmann et al., 1993 Zamenis situla — Venchi & Sindaco, 2006[1][2]

Распространетост

Покрај Македонија, леопардовиот смок се среќава во Албанија, Босна и Херцеговина, Бугарија, Грција, Италија, Малта, Србија, Турција, Украина, Хрватска, Црна Гора и можеби на Кипар.^[4]

Опис

По боја, леопардовиот смок е сив или драп со низа црвеникави или кафеави напречни дамки на грбот, кои се обрабени со црно. Од секоја страна има низа мали црни точки, наизменични со грбните дамки. На задниот дел од главата и тилот стои белег во облик на буквата Y, а од едното до другото око преку предмеѓуочните лушпи има црн срповиден белег и црн појас од задочните лушпи косо до аголот на устата. Стомакот е бел, со црнa шаховница, или речиси сосема црн. Грбните лушпи се мазни и распоредени во 25 или 27 реда. ВОзрасните единки достигнуваат до 90 см во должина, од кои 16 см отпаѓаат на опашката.^[1]

Живеалишта

Природно живее во честак, на пасишта, во насади и селски бавчи.^[4]