Лихов (Вендланд)

Лихов или Лихо^[2] (службено наречен: Лихов (Вендланд); германски: Lüchow (Wendland)) — град и административно седиште на округот Лихов-Даненберг, во сојузната покраина Долна Саксонија, Германија. Се наоѓа околу 13 километри северно од градот Залцведел. Градот се наоѓа на германскиот пат на фахверкот.

За други истоимени места, погледајте Лихов.

Лихов (Вендланд) Lüchow
Плоштадот со старото Градско собрание Плоштадот со старото Градско собрание
Лихов (Вендланд)
Управа
Земја	Германија
Покраина	Долна Саксонија
Округ	Лихов-Даненберг
Општ. заед.	Лихов
Градски единици	7
Градоначалник	Манфред Либхабер (СДП)
Основни податоци
Површина	89,01 км2
Надм. височина	18 м
Население	9.612 (31 декември 2022)[1]
- Густина	108 жит/км2
Други информации
Часовен појас	CET/CEST (UTC+1/+2)
Рег. табл.	DAN
Пошт. бр.	29439
Повик. бр.	05841
Портал	www.luechow.de
Местоположба на градот Лихов (Вендланд) во рамките на округот Лихов-Даненберг
Карта
Координати	52°58′0″N 11°09′0″E

Воедно, градот претставува административно седиште и на истоимената општинска заедница.

Од 2011 година во градот постои музеј посветен на британската група Ролинг стоунс.^[3]

Потекло на името

Името Лихов има словенско потекло, односно од полапскиот збор Ljauchüw.

Географија

Реката Јецел низ градот

Местоположба

Лихов се наоѓа во јужниот дел на округот Лихов-Даненберг. Низ градот поминува реката Јецел, која е притока на Елба.^[4] Околниот пејзаж бил создаден во ледениот период, издигнувајќи се на запад и спуштајќи се на исток.

Градски единици

Градското подрачје зафаќа површина од 89,01 км², кое е поделено на 24 окрузи:^[5]

Банајк Бојтов Безел Голау Грабов Јабел

Јецел Колборн Крауце Кинше Логе Лихов

Лизен Мигенбург Плате Ранцау Редебајц Реце

Ребек Засе Затемин Зерау во Луки Тармиц Вајче

Клима

Клима на Лихов
Показател	Јан	Фев	Мар	Апр	Мај	Јун	Јул	Авг	Сеп	Окт	Ное	Дек	Годишно
Просечна максимална (°C)	2	4	8	13	18	21	23	23	19	13	7	4	13
Просечна минимална (°C)	−3	−3	0	3	7	10	12	11	9	6	2	−1	4,5
Просечно кол. врнежи (мм)	40	35	35	40	50	60	65	55	40	35	43	45	543
Врнежливи денови (≥ 2,0 мм)	18	16	13	14	14	14	17	16	15	17	18	18	190
Влага (%)	88	85	80	75	71	73	74	75	80	85	87	88	80,1
Сончеви часови (дневно)	1,4	2,3	3,7	5,2	7,2	7,4	6,9	6,7	4,8	3,3	1,7	1,2	4,3
Извор: wetterkontor.de[6]

Историја

Главната улица во 1956 година

Местото било првпат споменато во 1158 година и добило градски права во 1293 година. Единствен остаток од градски ѕидини од крајот на средниот век е кула, која била пренаменета и сега се користи како камбанарија на црквата „Св. Јован“. Била подигната порта во 1555 година, која го поделила градот од западните предградија; оваа порта била срушена во 1793 година. Лихов настрадал при појавата на чумата во 1537 година, а во 1589 година бил во голем дел уништен од пожар. Уште еден пожар во 1608 година уништен голем дел од обновениот град. Најлошиот пожар, во 1811 година, го уништил Градското собрание и замокот.

Политика

Градот Лихов припаѓа на покраинскиот круг бр. 48 Елба и во сојузниот круг бр. 38 Лихов-Даненберг - Линебург.^[7][8]

Градски совет

Градскиот совет се состои од 25 избрани членови.

Партија / Листа	CDU	SPD	UWG	Зелени	SOLI1	независен	BL2	Вкупно
во 2011	7	7	5	3	1	2	–	25 места
во 2016	7	8	6	2	1	–	1	25 места

¹ социјал-еколошка листа    ² граѓанска листа

Градоначалник

Градоначалник на градот Лихов е Манфред Либхабер (SPD).

Збратимени градови

Лихов бил збратимен со следниве градови:

• Сере, Франција (од 1983 г.)
• Њуберг, САД (од 1985 г.)
• Оборники, Полска (од 2007 г.)
• Хелефорс, Шведска

Познати луѓе

• Фридрих Зируп (1881-1945) — правник и политичар
• Детлеф Вајгел (р. 1961) — германско-американски биолог

Галерија

• 
  Поглед на градот
• 
  Амтстурм, единствен остаток од замокот
• 
  Црквата „Св. Јован“
• 
  Глокентурм