Мануил Панселин

Мануил Панселин (грчки: Μανουήλ Πανσέληνος) ― римски фрескописец и иконописец во доцната Римска Империја. Тој бил активен во Македонија и е најистакнатата личност на палеолошката ренесанса и Македонската сликарска школа, со средиште во вториот град на империјата, Солун.^[1]

Мануил Панселин
Фреска на Исус во престол, од Панселин
Роден(а)	доцен 13 век Солун
Починал(а)	ран 14 век Солун
Националност	Римјанин
Познат(а) по	Иконографија и хагиографија
Движење	Македонска школа

Историја

Мануил Панселин е роден кон крајот на 13 век во Солун. Негови главни дела биле иконографијата и фреските. Неговите дела се наоѓаат во неколку манастири на Света Гора: Ватопеди, Велика Лавра и црквата Протатон во Кариес . Неговото најважно дело е муралното сликарство на црквата Протатон (Успение на Богородица). Негови современици биле Ѓорѓи Калиерг(ис), Михаил Астрапа и Евтихиј Астрапа. Некои историчари веруваат дека Калиерг бил еден од неговите ученици поради сличноста во стиловите на сликање.^[2]

Сепак, традицијата да му се припишуваат атонските слики на Панселин датира од 17 век, а дури во 18 век Дионисиј Фурнански тврди дека е роден во Солун и дека некои правила во својата работа ги извел од него. ^[3] Панселин понекогаш е привремено поистоветуван со Михаил Астрапа или друг член на истото семејство, но без цврсти докази.^[3]

Галерија

• 
  Исус како дете, манастир Протатон, Карија
• 
  Јован Крстител, манастир Протатон, Карија
• 
  Исус и Самарјанка, манастир Протатон, Карија
• 
  Воведение на Богородица, манастир Протатон, Карија
• 
  Свети Димитрија Солунски, манастир Протатон, Карија
• 
  Свети Евстатиј, манастир Протатон, Карија
• 
  Фреска од капелата „Св. Ефтимиј“, Солун
• 
  Јован Евангелист, манастир Протатон, Карија
• 
  Свети Меркуриј и Артемиј Антиохиски, манастир Протатон, Карија
• 
  Свети Теодор Стратилат и Теодор Тирон, манастир Протатон, Карија
• 
  Исусово воскресение, манастир Протатон, Карија
• 
  Христово распнување, манастир Протатон, Карија
• 
  Исус и крстот, манастир Протатон, Карија

Поврзано

• Јован Пагомен
• Теодор Апсевд