Маршрута

Маршрута (француски: marche — „чекор“ и route — „пат“) — патека на движење на некој објект, која го зема предвид правецот на движење во однос на географски обележја (или координати), со означени почетни, крајни и меѓуточки, доколку ги има.^[1][2]

Карта на автобуската маршрута Германија — Бендери.

Во други извори е наведено дека маршрута е патоказ, односно указание на патот за патување, поминување на војска; распоред на места за одмор, преноќување и сл. со други подробности, во зависност од потребата, и список на имиња на точките што се наоѓаат по патот на претстојното движење.

Состав

Маршрутата обично се составува врз основа на топографска карта, вклучително и патна, и обично вклучува:

• место (точка) на поаѓање;
•  време на поаѓање;
• вкупна должина на патот;
• должина на неговите одделни делници;
• вид, род и тип на превоз;
• места (точки) за преседнување, доколку се предвидени;
• место (точка) на пристигнување;
• време на пристигнување;
• други известувања.

Видови, родови и типови

Поради различната човечка дејност (работа, одмор, на пример туристички, екскурзиски итн.), користените средства, тежината на теренот итн., постојат различни видови, родови и типови на маршрути:

• копнена:
  • пешачка;
  • на животни:
    • коњска;
    • и така натаму.
• водна:
  • речна:
    • бродска;
    • паробродска;
• и така натаму.