Мачешка змија

Мачешка змија (науч. Telescopus fallax) — отровна змија од семејството на смоковите (Colubridae) што живее во Македонија^[2], по Средоземјето и на подрачјето на Кавказ.

Мачешка змија
Telescopus fallax from Malta
Заштитен статус
Незагрозен  (МСЗП 3.1)
Научна класификација
Царство:	Животни
Колено:	Хордови
Потколено:	’Рбетници
Класа:	Гуштери
Ред:	Лушпари
Подред:	Змии
Семејство:	Смокови
Род:	Мачешка змија
Вид:	Мачешка змија
Научен назив
Telescopus fallax (Fleischmann, 1831)
Синоними[1]
Coluber vivax Fitzinger, 1826 Tarbophis fallax Fleischmann, 1831 Trigonophis iberus Eichwald, 1831 Coluber carneus Dwigubsky, 1832 Ailurophis vivax — Bonaparte, 1837 Tarbophis savignyi Boulenger, 1896

Распространетост

Покрај Македонија, оваа змија се среќава во Италија, Грција (Парос, Антипарос, Турлос, Крит, Калимнос, Самос, Милос, Крф), Албанија, крајбрежна Словенија, Хрватска (вкл. некои јадрански острови), Херцеговина, Црна Гора, јужна Бугарија, Турција, Малта, Кипар, Иран, Ирак, Сирија, Израел, јужна Русија (Кавказ, Дагестан), Ерменија, Грузија и Азербејџан.

Опис и поведение

Иако е отровна, мачешката змија не е закана за луѓето бидејќи забите ѝ се наоѓаат на задниот дел од горната вилица, со кои не може да касне човек. Ваквите заби сепак се погодни за усмртување на нејзиниот природен плен.

Исхрана

Оваа змија се храни претежно со гекони и гуштери.

Пленот се каснува и се пушта да си отиде, чекајќи да делува отровот. Потоа го опипува воздухот и со тоа пронаоѓа каде заминало животното. Кога ќе го најде усмртеното или парализирано животно, го голтнува цело, почнувајќи од главата.