Месечиноод

Месечиноод или луноод — планетоод наменет да патува по површината на Месечината. Во потесна смисла, месечиноодот е возило (превозна платформа) наменето за движење по површината на Месечината. Месечиноодите можат да се управуваат од далечина од оператор од Земјата или од возач непосредно на самото место (месечев автомобил). Некои месечинооди можат да работат без оператор и да служат како самоодни роботи.^[1]

Месечиноодот на мисијата Аполо 15

Најпознатите месечинооди се Месечевите теренци што се користеле за време на мисиите Аполо, поточно Аполо 15, 16 и 17.

Разновидности во градбата

Големина и брзина

Советските месечинооди „Луноход“ биле долги 170 сантиметри.^[2] Останатите биле 3 метри со меѓуоскино растојание од 2,3 метри. За време на Аполо 17, тие можеле да достигнат максимална брзина од 18 километри на час.