Миле Кокотов

Миле Кокотов ( 1964 Штип) - дипломиран инженер по индустриски менаџмент и магистер по технички науки, и актуелен претседател на Радиоаматерскиот сојуз на Република Македонија.

Миле Кокотов
Роден	Миле Кокотов 1964 Штип, СР Македонија
Националност	Македонeц
Образование	Магистер по технички науки

Животопис

Миле Кокотов е роден во 1964 година во Штип. Основно и средно образование завршил во Штип. Студирал на Електротехничкиот факултет во Скопје и на Факултетот за природни и технички науки во Штип. Миле Кокотов е основач на првата приватна телевизија „ТЕКО ТВ“ во поранешна Југославија (1989 година)^[1]. Еден е од основоположниците на приватните електронски медиуми во Македонија. Се залагал за развој и плурализам на медиумите во време кога имало само неколку државни медиуми. Исто така, активно учествувал на повеќе меѓународни советувања за развој на медиумите на Балканот.

Активности

Во 1990 година на првите слободни повеќепартиски избори бил избран за советник во собранието на Општина Штип (1990 - 1996). Бил активен член на собраниска комисијата за информирање. Член е на радио клубот од Штип од 1977 година и активно придонесува за ширење на радио техниката и електрониката меѓу младите.^[2][3]

Еден е од основачите на Асоцијацијата на приватни радио и телевизиски станици во Македонија (денес АПЕМ). Исто така, основач е на неколку кабелски телевизии во Македонија и Србија.

Како менаџер на „Кадис“, добитник е на престижната награда "International Star Award - Gold Category" од страна на "BID Business Initiative Directions" во Париз, 2007 година.

Дел од своите истражувања во областа на електрониката и телекомуникациите ги објавил во својата стручна книга „Основи на Кабелските Дистрибутивни Системи„ (2010 година)^[4] која е единствена од таков тип на македонски јазик.

Неговите објавени истражувања од областа на електрониката, радио техниката и телекомуникациите, често се предмет на дискусија на стручните форуми низ светот.^{[5][6][7][8][9][10][11][12]}

Во ноември 2016 година Миле Кокотов е избран за претседател на Радиоаматерскиот сојуз на Република Македонија.^[13]

Научни трудови и публикации

1. "Mathematical modeling, analysis optimization using mmana-mathematical and antenna analysis software" - ITRO 2016 ^[14]

1. "Cable distribution systems - an essential element of global information society" - ITRO 2016 ^[15]

1. "Design of information systems monitoring, record and control" - ITRO 2016 ^[16]

1. "Systems for monitoring and recording processes in logistic operators of electronic comunications networks" - Natural resources and technology 2016 ^[17]

1. "Facilities planning in headend of modern cable distribution system as a part of electronic communications network" - Natural resources and technology - 2016 ^[18]

1. „Планирање на електронски комуникациски мрежи“ - Магистерски труд, Универзитет Гоце Делчев, Штип ^[19]