Миле Топуз

Миле Топуз е еден од најплодните македонски стрип илустратори. За првпат нацртал стрип на 24-годишна возраст, а негово прво објавено стрип дело е стрипуваната биографија на „Цар Самуил“, според сценарио на Драган Ташковски, објавена во 1962 година во весникот „Трудбеник“.^[1]. Во југословенската стрип едиција „Никад робом“, Топуз има објавено поголем број на стрипови на тематика од македонската историја, меѓу кои се и оние за Хацон, крал Пребонд, цар Самоил, Климент Охридски, Гаврил Радомир, Ѓорѓи Војтех, Карпош и други.^[2] Освен со стрип, Миле Топуз се занимава и со илустрирање книги и сликање.

Миле Топуз
Роден	1932 Кочани, Македонија

За својата долгогодишна дејност во областа на стрипот, тој е добитник на признанието за развој и афирмација на македонскиот стрип „Љупчо Филипов“ доделено од Стрип центарот на Македонија со седиште во Велес.^[3]