Мишка

Мишка (латински: Axilla) или пазува^[1][2] — дел од човековото тело што се наоѓа под рамото, каде што раката се спојува со трупот.^[3][4]

Мишка
Избричена мишка има траги од депилација (точки на кожата)
Податоци
Назнаки
Латински	axilla
TA	A01.1.00.021
FMA	FMA:24864
[уреди на Википодатоците]

Опис

Мишката е анатомски ограничена од предната страна со големиот граден мускул (Musculus pectoralis major), а од задната страна со широкиот грбен мускул (Musculus latissimus dorsi). Во овој предел се наоѓаат многу потни и лојни жлезди, чии нарушувања на нормалното функционирање можат да доведат до болести како што е хиперхидрозата (прекумерно потење). Освен тоа, во мишката, по правило, со помош на топломер се мери телесната температура.

Местата каде што кожата најголем дел од времето се допира со кожа — мишките и меѓуножјето — кај двата пола од пубертетската возраст се покриени со влакна. Зошто овие влакна се потребни, не е целосно познато; според различни теории, тие служат за спречување на исфрлање на кожата (црвенило), намалување на триењето или зголемување на сексуалноста. Меѓутоа, многу луѓе претпочитаат да ги отстранат влакната под мишките, бидејќи нивното присуство го сметаат за неестетско или нехигиенско. Исто така, познат факт е дека многу луѓе се плашат од скокоткање на мишките.