Мозочна кора

Мозочна кора (латински: cortex, англиски: cerebral cortex) — претставува обвивката на мозочните половини на големиот мозок. Нејзината дебелина разнообразува помеѓу 2 и 4 мм, а кај човекот сочинува околу 40 % од вкупниот обем на мозокот. Составена е од сивата маса на клеточните тела на невроните и игра клучна улога во восприемањето на околината, општењето, помнењето и донесувањето одлуки. Исто така, таа ја одредува волјата на организмот.^[1]

Неврони на мозочната кора

Функциите на мозочната кора се строго локализирани во одредени центри — за движење, асоцијации и сетила. Можно е да постојат мали поединечни разлики во нивната структура, но се смета дека тие немаат значително влијание врз интелектуалните способности на организмот.