Морена (божица)

Морена, Морана, Мора, Мажана — слoвенска божица на зимата и смртта, како и на пролетта.

Морена во Чешка

Особености

Морана божество чиј карактер различно се претставува кај различни групи на словенски народи: кај источнословенските народи е божица на пролетта. А кај јужнословенските како аграрно-сточарско божество. Според другите толкувања таа е зло божество на зимата и смртта, но воедно е и божество кое се врзува за обреди кои донесуваат дожд и кружно движење во природата, каде се нагласуваат и умирањето, но и воскреснувањето на божествата.^[1]

Во народната традиција се спомнува св. Морана која се поврзува со митолошките елементи дабот и водата (основните елементи на Перун), поради што некои истражувачи ја толкуваат како неговата сопруга, или ќерка.^[2]

Во македонската народна митологија, познатиот истражувач Танас Вражиновски, го забележал и името на божицата Морена. Според тоа, Морена била божица на смртта и зимата.