Мрежна страница

Мрежна страница (или „веб-страница“, од англиски: web page) е специфична колекција на информации обезбедени од мрежно место и прикажана на корисник во прелистувач. Мрежното место вообичаено се состои од повеќе мрежни страници поврзани заедно на разбирлив начин. Името „мрежна страница“ е метафора за хартиени страници поврзани заедно во книга.

Почетна страница на мрежното место usap.gov

Елементи

Основниот елемент на мрежна страница е еден или повеќе текстуални документи напишани во HTML.^[1] Многу мрежни страници исто така користат JavaScript код за динамички приказ и Cascading Style Sheets (CSS) код за презентациско значење.^[1] Фотографии, видеа и други мултимедијални документи се исто така вметнати во мрежните страници.

Навигација

Секоја мрежна страница е определена од посебен URL. Кога корисникот внесува URL во неговиот прелистувач, елементите на таа мрежна страница се преземаат од мрежен опслужувач. Прелистувачот тогаш ги прикажува сите елементи во интерактивен визуелен приказ на корисничкиот уред.^[2]

Ако корисникот кликне или допре врска до друга страница, прелистувачот го повторува овој процес за да ја прикаже новата страница, која може да биде дел од моменталното мрежно место или некое различно.

Развивање

Од гледна точка на развој на мрежно место од серверска страна, постојат два вида на мрежни страници: статични и динамични. Статичните страници се вчитуваат од податотечниот систем на мрежниот опслужувач без никакви промени,^[3] додека динамичните страници мора да бидат создадени од мрежниот опслужувач непосредно, вообичаено црпејќи од база на податоци за да пополни мрежна предлошка, пред да ги испрати до корисничкиот прелистувач.^[4]