Никче Павчев

Никче Перов Павчев ( 1919 во Бањане, Скопско — 1944 во Црешево, Скопско) — македонски партизан, борец за слобода на Македонија и учесник во НОВ.^[1]

Спомен-плоча од НОБ во Бањани, на која се наоѓа името на Никче Павчев

Никче Павчев
Роден	1919 година Бањане, Кралство СХС
Починал	октомври 1944 година Црешево, ДФ Македонија, ДФЈ
Почивалиште	Гробиштата во Бањане

Животопис

Произлегува од сиромашно семејство и успеал да заврши само основно училиште. Се занимавал со земјоделство и сточарство. Служел во кралската југословенска војска и имал чин наредник. Неговото село го помагал Првиот скопски партизански одред. Со доаѓањето на Шеснаесеттата македонска ударна бригада во септември 1944 година на овој терен, стапил во нејзините редови. Станал командир на вод и се покажал како способен старешина. Со водот и својот баталјон водел борби против балистите на билото на Скопска Црна Гора и со успех го задржувал напредувањето на балистичките банди да продрат во селата на Скопска Црна Гора. Во една од борбите кај селото Црешево, загинал во месноста Бошево, во октомври 1944 година. Неговите останки биле пренесени и закопани во селските гробишта во Бањане.^[1]