Овчар

Овчар, книжевно пастир или народно чобан — лице што се грижи, храни или чува стада овци.^[1][2][3] Овчарството е едно од најстарите занимања во светот, постои во сите делови на Земјината топка и е важен дел од сточарството. Поради сеприсутноста на занимањето, многу вероисповеди и култури имаат симболични или метафорични упатувања за занимањето овчар. На пример, Исус се нарекувал себеси „Добриот Овчар“, и старогрчките митологии ги истакнувале овчарите како Ендимион и Дафнис. Оваа симболика и овчарите како ликови се во средината на овчарската книжевност и уметност.^[4]

Овчар во Романија

Овчарите како тема во уметноста и во популарната култура

Во народното творештво

• „Мрзливиот овчар“ - македонска народна приказна.^[5]
• „Овчарот и владиката“ - македонска народна приказна.^[6]
• „Стадо силно стадо“ - македонска народна песна.^[7]
• „Ор Стојане стар чобане“ - македонска народна песна.^[8]
• „Овчар ми свирит над село“ - македонска народна песна.^[9]
• „Овци паса“ - македонска народна песна.^[10]
• „Овчар по брег оди“ - македонска народна песна.^[11]
• „Седнал ми овчар безгрижно“ - македонска народна песна.^[12]
• „Ој овчаре, млад чобане“ - македонска народна песна.^[13]
• „За овчарот кој го разбирал јазикот на животните“ – полска народна приказна.^[14]
• „Кралот Матија и овчарот кој ја зборува вистината“ - унгарска народна приказна.^[15]
• „Ѕвездоокиот овчар“ - унгарска народна приказна.^[16]
• „Изедениот овчар“ (српски: Изједен овчар) - српска народна песна.^[17]
• „Мојсеј и пастирот“ - суфиска приказна.^[18]
• „Кралот и овчарот“ (српски: Краљ и чобанин) - српска народна приказна.^[19][20]

Во книжевноста

• „Волкот и овчарите“ – басна на американскиот писател Емброуз Бирс.^[21]
• „Иберискиот овчар“ – роман на Бернардо де ла Вега од 1591 година.^[22]
• „Нимфите и овчарите од Енарес“ – роман на Бернардо Гонсалес де Бобадилја од 1587 година.^[23]
• „Овчарот Фидо“ – книга на италијанскиот писател Џовани Батиста Гварини од 1590 година.^[24]
• „Чобанчиња“ — песна на словенечкиот поет Отон Жупанчич.^[25]
• „Малите овчарчиња“ — песна на македонскиот поет Иван Ивановски.^[26]
• „Ноќната песна на еден овчар-скитник во Азија“ (италијански: Canto notturno di un pastore errante dell' Asia) - песна на италијанскиот поет Џакомо Леопарди од 1829-1830 година.^[27]
• „Овчарот од Филида“ – книга на Луис Галвес де Монталво.^[24]
• „На дедо Димовото бачило“ — расказ на македонскиот писател Ванчо Николески.^[28]
• „Чудотворен кавал“ — расказ на Ванчо Николески.^[29]
• „Овчарчето Тасе“ — расказ на Ванчо Николески.^[30]
• „Крстот на овчарот“ — песна на македонскиот поет Анте Поповски.^[31]
• „Овчарче“ - песна на германскиот поет Хајнрих Хајне.^[32]

Во филмот

• „Овчар“ — југословенски филм од 1971 година, во режија на Бакир Тановиќ.^[33]