Окарина

Окарина – дувачки инструмент со долгнавест облик кој потсетува на птичја глава.^[1]

Окарина

Окарина
Класификација
дувачки, дрвен дувачки, аерофон
Сродни инструменти
Xun, Huaca, Slide whistle, Tin whistle, Molinukai

Историјат

Окарината е позната ширум светот, од Латинска Америка до Кина. Во Европа ја донеле шпанските конквистадори како своевиден сувенир од Новиот Свет. Италијанецот Џузепе Донати ја направил модерната окарина.^[1]

Топчеста окарина во Македонија

Во Македонија е пронајдена топчеста окарина со три отвори која датира од неолитскиот период и е стара околу 6000 години.^[2]

Изработена е од теракота, била пронајдена во 1989 година на археолошкиот локалитет Мраморје, Чашка, Велес. Ова е и единствен ваков инструмент пронајден во Европа.

Окарината и покрај староста е сè уште функционална и на неа може да се свири. Тоа го покажал македонскиот музичар Драган Даутовски.

Структура

Се изработува од печена глина или порцелан. Тонскиот опсег главно ѝ е октава. Со пребирање со прстите по дупчињата се добива саканиот тон.^[1]