Отмаршен

Отмаршен (германски: Othmarschen) е кварт во округот Алтона на Хамбург во северна Германија.

Отмаршен Отмаршен
Кварт во Хамбург
Хамбуршкото пристаниште и квартот Отмаршен (напред). Поглед од северозапад. Хамбуршкото пристаниште и квартот Отмаршен (напред). Поглед од северозапад.
Управа
Земја	Германија
Покраина	Хамбург
Град	Хамбург
Реон	Алтона (Хамбург)
Основни податоци
Население	12.169  (31 декември 2006)
Други информации
Часовен појас	CET/CEST (UTC+1/+2)
Рег. табл.	HH
Повик. бр.	040
Местоположба на Отмаршен во Хамбург
Карта
Координати	53°33′10″N 9°53′40″E

Историја

Првите спомнувања на Отмаршен се од 1317. Заедно со Алтона, Отмаршен станал дел од Хамбург во 1937/1938 поради Законот за голем Хамбург.

Географија

Во 2006, според статистичкото биро на Хамбург и Шлезвиг-Холштајн, квартот Отмаршен имал вкупна површина од 6 км². На запад е квартот Нинштетен. На југ реката Елба е граница со Валтерсхоф. На север се квартовите Грос Флотбек и Баренфелд, додека на исток се граничи со квартот Отензен.

Демографија

Во 2006, квартот Отмаршен имал население од 12.169 луѓе. Густината на населеност била 2.023 жители на км². 16,7% биле деца под 18 години, а 22,9% имале 65 или повеќе години. 11,3% биле странци. 153 лица биле регистрирани како невработени.^[1]

Во 1999, постоеле 5.672 домаќинства од кои 17,8% имале деца под 18 години, кои живееле со нив и 45,8% од сите домаќинства биле составени од поединци. Просечната големина на домаќинствата била 1,98.^[2]

Во 2006, се случиле 1.178 кривични дела (97 дела на 1000 жители).^[3]

Образование

Приватото Меѓународно училиште Хамбург се наоѓа во Отмаршен.

Постојат 1 основно и 3 средни училишта во квартот Отмаршен.^[4]

Култура

Музеи, галерии

Соседството Ефелгене

Ernst Barlach Haus е музеј за работата на експресионистичкиот вајар, печатар и писател Ернст Барлах. Се наоѓа во Jenisch Park.

Пристанишниот музеј во соседството Ефелгене е мало пристаниште со некои стари бродови.

Jenisch Haus била изградена од 1831-1834 од Франц Густаф Форсман во соработка со Карл Фридрих Шинкел во Jenisch Park како дом за одморање на Мартин Јохан Јениш, градоначалник на Хамбург. Денес е дел Altonaer Museum во Отензен. Главно содржи слики и други уметнички дела од првата половина на 19-от век.^[5]

Рекреација

Glazier erratic "Alter Schwede". Пронајден во реката Елба, сега на плажа во Отмаршен

Во Отмаршен е Jenisch park и Hindenburgpark и Schröders Elbpark, директно до плажата на реката Елба.

Инфраструктура

Генералниот конзулат на Народна Република Кина основан во Хамбург во 1921 се наоѓа на улицата Elbchaussee 268.^[6]

Здравствен систем

Asklepios Klinik Altona е општа болница со 922 кревети, која се наоѓа Paul-Ehrlich-Strasse. Болницата има 13 оддели, вклучувајќи ги за интерна медицина, хирургија, гинекологија, урологија, неврологија, неврохирургија, офталмологија, анестезиологија и интензивна нега и итна хирургија.^[7]

Во Отмаршен постојат 10 градинки за деца и исто така 27 лекари во приватни ордиации и 1 аптека.^[4]

Сообраќај

Јавниот сообраќај во Отмаршен е обезбеден преку железничкиот систем на градските возови со станиците Отмаршен и Баренфелд и неколку автобуски линии. Овие се координирани преку Hamburger Verkehrsverbund.

Излезот на Автопатот 7 и северниот влез на Елпскиот тунел се наоѓаат во Отмаршен.

Според секторот за моторни возила (Kraftfahrt-Bundesamt), во квартот биле регистрирани 5.475 приватни возила (464 возила на 1000 луѓе).^[4] Се случиле вкупно 92 сообраќајни несреќи, вклучувајќи 76 со жртви.^[8]